Tewhid.mk

Аллаховиот Пратеник, с.а.в.с., рекол: „Обврската на сопругата кон сопругот, па дури и да е неправеден, е:

• да му се допушти и подаде па дури и да биде на самар;

• да не пости ниту еден ден без негова дозвола, освен деновите кога постот е фарз, како во рамазан, а ако пости ќе биде грешна и постот нема да & биде примен кај Возвишениот Аллах;

• да не дава ништо од домот освен со негова дозвола, а ако тоа го направи ќе биде грешна иако тој ќе има награда;

• да не излегува од домот освен со негова дозвола, во спротивно Возвишениот Аллах ја проколнува заедно со мелеците¹, сè додека не се покае, или додека не се врати дома.“

Жената би требало да се придржува до следниве обврски, правила и прописи:

1. Да биде му покорна на својот маж во сè што не е грев и што може без големи потешкотии да се направи. Би требало да внимава на неговите чувства и да настојува да го направи задоволен кога е присутен и отсутен. Имамот Ахмед го пренесува хадисот: „Кога жената ги клања сите пет намази, го пости месецот рамазан, го чува својот морал и му се покорува на мажот; ќе & биде речено: Влези во џеннетот низ која џеннетска врата сакаш.“

Тирмизи го пренесува преданието: „Кога би наредил некому да направи сеџда на некој друг, би & наредил на сопругата да му направи сеџда на својот сопруг поради правата кои тој ги има над неа.“

2. Да внимава на сопруговата чест, на неговиот имот, деца и останатата сопственост. Бухари и Муслим го пренесуваат следново предание: „Жената е пастир кој бдее над својата куќа и децата на својот маж.“

3. Да биде во куќата на својот маж и да не излегува од неа освен со задоволство и дозвола на мажот.

• Да внимава на својот поглед;

• Да се придржува за прописите за облекување и покривање. Своите украси и убавини да не ги покажува никому освен на својот маж или блиските роднини (махрем);

• Да го стиши својот глас и да внимава што ќе зборува, да се грижи за родителите и роднините на мажот како што тој се грижи, бидејќи не може да му направи добро на својот маж ако не им прави добро и на неговите родители;

• Да се занимава со домашните работи и животот со мажот. Познато е дека Фатима, една од највредните жени на овој свет, ќерка на највредниот човек, Пратеникот Мухаммед, с.а.в.с., имала рани, модринки на рацете од домашните физички работи, со оглед на сиромашниот живот.

4. Да патува со својот маж, ако порано не условила да остане на своето место.

5. Во секоја ситуација да му се дава на мажот, ако тој тоа го побара од неа – освен ако постои шеријатска пречка за тоа – и тоа да биде на најдобар можен начин, без искажување на мрзелива волја, пасивност, нелагодност и сл. Пренесуваат Бухари и Муслим од Аллаховиот Пратеник, с.а.в.с.: „Кога човекот ќе ја повика жената во кревет па таа го одбие, и тој заноќи лит на неа, мелеците ја проколнуваат сè до зори.“

Тирмизи го пренесува преданието: „Кога човекот ќе ја повика жената поради сексуални потреби и желби, нека му се одѕвие па дури и да биде крај шпоретот (подготвувајќи храна).“

6. Да бара дозвола кога сака да пости доброволен пост, ако мажот е присутен дома, а ако мажот се врати од патот, треба да го прекине доброволниот пост, освен ако тој & дозволи да продолжи со постењето. Пренесува имамот Тирмизи: „Ако некоја жена умре, а нејзиниот маж биде задоволен со неа, таа ќе влезе во џеннетот.“

Тирмизи го пренесува преданието: „Ако сопругата го нападне својот сопруг на дуњалукот² и го потценува, хуријата³ која ќе му биде ахиретска⁴ жена, & вели: ,Немој да гомачиш, Аллах да те отепа! Тој е кај тебе за кратко. Само што не те оставил и дошол кај нас.‘“

7. Жената не би требало да зема ништо што ја спречува бременоста, без дозвола на својот маж.

8. Пратеникот, с.а.в.с., а.с. ни укажал на фактот дека жената може да му биде причина на својот маж за џеннетски⁵ спас или џехеннемски⁶ оган; во зависност од нејзините постапки и морал, и покрај нејзината формална побожност, намаз⁷, пост, хаџ, зеќат⁸ итн.

9. Сопругата би требало да му биде благодарна на својот маж за она што тој го прави за неа од обврски, подароци и сл. Бидејќи Возвишениот Аллах не гледа во онаа жена која му е неблагодарна на својот маж. Несаи пренесува: „Возвишениот Аллах не гледа во жената која не му се заблагодарува на својот маж, а не може без него.“

10. Шехидите⁹ имаат посебни награди за својата пожртвуваност на Аллаховиот пат. Жените го постигнуваат тој степен како што вели Пратеникот, с.а.в.с.:„...со покорноста кон својот маж и признавање на неговите права, меѓутоа, малку се тие од вас кои што тоа го прават.“

Припрема и обработка-TEWHID.MK
www.tewhid.ucoz.org
https://www.facebook.com/Tewhid.mk

Преведе од босански:

Хаџи Фикрет Елези
КАКОВ ТРЕТМАН ЗАЗЕМА БРАКОТ 

ФУСНОТА