Tewhid.mk

Брачниот пропис

Брачната заедница е константна пракса на Аллаховиот Пратеник, с.а.в.с., во која се остварува практична корист за сопружниците; се чуваат од блуд, создаваат семејство и наследници продолжувајќи го човековиот род, и на таков начин учествуваат во природниот процес кој трае сè до Судниот Ден.

Во исламот нема предбрачни, физички, интимни, сексуални односи. Тоа е строго забрането. Возвишениот Аллах¹ вели: „И не приближувајте му се на блудот“. (Ел-Исра, 32)

За лице кое не е во брачен однос кое ќе направи блуд следува казна од стотина удари со стап-камшик, а за лице во брачен однос санкција е јавно каменување пред народ. Затоа, во исламското општество кое се придржувало до исламската пракса, прељубата – проституцијата биле всушност непозната појава.

Меѓутоа, треба да се нагласи дека во исламот², исто така, нема ни аскетизам, во смисла, поради ибадет³ да се откаже од сексуалните страсти. Тие мораат и смеат да се манифестираат и искажуваат само во валидна и легална брачна заедница.

Аллаховиот Пратеник, с.а.в.с.⁴, ги прекорил асхабите⁵ кои сакале да ја потиснат својата природа, во која ги создал Аллах; со нагон за јадење, спиење, сексуален однос. Кога тие рекле дека ќе се откажат од тоа во корист на деноноќен ибадет, тој ги прекорил и им рекол: „Јас клањам и спијам, постам и јадам, се женам и не се откажувам од жени, а кој ќе се откаже од мојот суннет⁶, и јас се откажувам од него.“

Советот на Пратеникот, с.а.в.с., кон исламската младина бил следниот: „Младино! Кој може да ги поднесе брачните обврски, нека се ожени, тоа е подобро за чување од недозволениот поглед и од недозволениот сексуален однос. Кој не може да го сноси товарот (бремето) и обврската на бракот, нека пости, бидејќи во тоа ќе има заштита.“

Бракот во правната регулатива на шеријатот⁷ може да земе хукм⁸ на строга обврска (фарз–ваџиб)⁹, да биде строго забранет (харам), да биде покуден (мекрух), да има статус на суннет¹⁰, да е убав и пофален (мендуб) и конечно, да биде само дозволен.

Брак кој е фарз

Бракот ќе биде строга обврска, односно, должност, за лицето кое сака брак и за кое нема дилема дека ќе падне во блуд ако не се ожени, бидејќи постот и воздржувањето нема доволно да му ја ослабнат сексуалната желба, а покрај тоа е во можност да ја издржува жената на халал начин. Соодветно на тоа, и на жената & е строга обврска да се омажи ако не е способна самата да се издржува и ако се плаши дека може да биде жртва на луѓето со расипан морал.

Брак кој е суннет

Ако некое лице со умерен сексуален нагон има желба за брак, не стравувајќи од тоа дека нема да може да се контролира, а покрај тоа, може да ја издржува жената од дозволена работа, го посакува и има намера за брак со причина за создавање и продолжување на семејството, односно да се сочува од блуд. Во тој случај бракот би бил суннет за него.

Брак кој е мендуб

Ако некое лице нема желба за брак, но посакува да има деца и може да ги изврши брачните обврски, убаво би му било да се ожени.

Брак кој е харам

Бракот би бил забранет кога некој би оженил и петта жена со веќе претходните четири жени во исто време, или да ожени две сестри истовремено, или да ожени тетка од татковата или мајчината страна, да се жени со цел да & наштети на жената, брак мута¹¹ кој го практикуваат шиите¹² и слично на тоа.

Брак кој е мекрух

Кога некое лице не би имало желба за брак, односно тој брак би го одвраќал од доброволниот ибадет на кој претходно се посветувал, или ако би се плашел дека нема да може да ја издржува жената освен од недозволена работа, тогаш склопувањето на тој брак би било покудено.

Брак кој е мубах

Бракот е дозволен за лицето кое има желба за брак, иако нема страв од блуд. Бракот е дозволен и за она лице кое нема никаква желба за сексуални уживања, како што е старец или импотентен маж, но под услов да не & нанесе штета на жената со тоа, или ако тоа нема да доведе до нејзино морално скршнување, во спротивно таквиот брак би бил забранет.