Tewhid.mk

Oд Ебу-Абдулах Џабир ибн Абдулах Ел-Енсари, радијалаху анхума, се пренесува: “Бевме со Пратеникот, алејиселам, во  еден поход кога тој ни се обрати: “Навистина. во Медина има луѓе кои ве следат на патот по кој крочите и низ секоја долина низ која одите. Само болеста ги спречила да не бидат со вас.“Во друго предание стои:“Тие соучествуваат во наградата со вас:“20

Овој хадис го  пренесува и Бухари од Енес, радијалаху анху,дека рекол:“Се вративме од битката на Тебук со Пратеникот, алехјис-селам, кога ни се обрати:“Во медина зад нас останаа луѓе кои навистина не следеа било во пустината, било во угорница или долина.Само болеста  нив ги спречила.“

Коментар

Пред се, значењето на тематскиот хадис е дека намерата на човекот за правење добри дела му носи награда и поред тоа што можеби нешто ќе го оневозможи да го спроведе тоа дело. Па така. во отсуство на оправдана причина за неисполнување на некоје дело, кога човекот е кадар да го исполни, но по некоје време не е веќе во состојба да го доврши, нему му се упишува награда како кога бил здрав и во својот дом.“21 

   Значи, ако некој навикнал да практикува добри дела и одеднаш нешто го оневозможило и понатаму тоа го прави, нему му следува награда како  да го исполнил тоа дело. На пример, човек навикнал секој намаз да го клања во џамија со џемат и во  една прилика го совладал сон или болест, или нешто слично, нему му следува награда како да клањал во џемат. Ништо нема да се одземе од неговиот себап. Истото се однесува и со доброволниот (нафиле) намаз. Меџутоа, доколку човек редовно не практикува некое дело и нешто го прекина во практикувањето на истото, тогаш му следува награда само за неговата намера но не  и за  неисполнетото дело.

Доказ за ова тврдење е случајот со сиромашните асхаби кои му се пожалиле на Пратеникот, алејхис-селам, со зборовите:“Аллахов Пратенику! Богатите не престигнаа со своите себапи на идниот свет!“ Пратеникот им одговорил: “Јас ќе ве известам на нешто и ако вие тоа го спроведете ќе ги стигнете тие што ве престигнаа а вас нема да ве стигне ни кој освен тие што ќе го прават она што го правите! Славете го Аллах (субханеллах), заблагодарувајте Му ( елхамдулиллах) и величајте Го  (Аллаху Екбер) после секој намаз по тридесет и три пати!“ Така и направија. Богатите слушнаа за тоа па и тие го сторија истото. Сиромашните асхаби повторно застанаа пред Пратеникот, алејхис-селам, и  рекоа:“Аллахов Пратенику! Богатите, нашите браќа, слушнаа и го сторија истото што и ние!“ Тој им рече: “ Тоа е Аллахов благодет. Пратеникот не им рекол: “Вие ја достигнавте наградата на нивното дело“, но, нема сомневање дека нив им припаднала награда за намерата на дотичното дело.

Мухаммед, алејхис-селам, дава за пример двајца луѓе, едниот богат, другиот сиромав. Првиот делел од својот имот, а вториот повторувал: “Кога би поседувал од она што богатиот го има. ќе сторев како што прави тој и тој човек,“

Мухаммед, алејхис-селам, вели:“Поради својата намера тој во наградата е ист како и оној (богатиот).“23

Значи, заедничка им е наградата за намерата, но наградата за делото се впишува само доколку дотичното дело е секојдневна навика на човекот.

Припрема и обработка-TEWHID.MK

Од Книга Ријадус-салихин или бавчи на Побожните  Коментар на Хадис

Коментар: Мухаммед ибн Салих ел-Усејмин

www.tewhid.ucoz.org

facebook.com/Tewhid.mk

------------------------------------------------------------

ФУСНОТА

20   Муслим,1911

21 Бухари,бр.2996

22 Бухари,бр.843

23 Тирмизи,бр.2325