Tewhid.mk

Во сахих – хадис се наведува дека Возвишениот Аллах на својот роб на Судниот ден ќе му рече:„Зарем не ти дадов сопруга? Зарем не ти дадов чест? Зарем не ти дадов коњи и камили и те пуштив да владееш и управуваш со другите?!“ Тој ќе рече: „Да.“ А Возвишениот Аллах ќе рече: „Дали мислеше дека ќе се сретнеш со Мене?“ Тој ќе рече: „Не.“ А Аллах на тоа ќе му каже: „Денес ќе те заборавам како што ти Мене ме заборави.“ (Пренесено од тефсирот на Ибн Кесир)

Секој од луѓето, на Судниот ден ќе го сретне својот Господар, па Аллах, субханеху ве теала, ќе му рече на човекот: „Робе, зарем не те направив од оние кои слушаат и гледаат, и зарем не ти дадов деца и имот, па што си подготвил?“ Па човекот ќе погледне околу себе, и кога ќе погледне пред себе ќе види само оган. Возвишениот Аллах ќе рече: „Робе мој, кој е тој што те направи независен од Мене, и те потикна и те упати на некој друг освен Мене? Јас тебе ти се приближувам, а ти од Мене бегаш. Робе, ти дадов дуњалук, а тој те заведе и измами и те одалечи од Мене и му даде предност над Мене и ја омаловажи Мојата милост. Зарем така прават оние на кои им се прави добро? Кој е тој кој те покрива, чува и штити? Робе, правеше тоа и тоа, тогаш и тогаш, а зарем не знаеше дека Јас те гледам? Зарем ме направи најмалку важен од оние кои те гледаат? Зарем не се плашише од Мојата казна, зарем не се срамеше од Моите мелеци, зарем не се плашише од страшната казна која те чека? Па Возвишениот Аллах ќе продолжи да го укорува, и овој човек ќе почне да се топи од срам и страв, па ќе рече: „Господару, навистина оганот е полесен од срамот од Тебе!“ Па Аллах ќе му рече: „Влези во огнот.“ Човекот ќе тргне кон него, но ќе се свтртува и ќе рече: „Господару, јас не правев гревови поради тоа што го омаловажував Твоето право и не мислев ништо друго освен дека мојот грев не Ти штети и дека ќе ми простиш како што си ми ги покрил срамовите. Мислев дека Твојата милост е неизмерна и дека она што јас го правам не влијае на Твојата добрина.“ Па Аллах, субханеху ве теала, ќе рече: „Вистината ја кажа, никогаш не губи надеж во Мојата милост. Се колнам во Мојата големина, Јас денес ти простувам – о мелеци, однесете го во Џеннетот.“ (Од предавањето "Денот кога земјата вестите свои ќе ги кажува")

Нема човек а да не разговара на Судниот ден, директно со Аллах, субханеху ве теала, без посредници и преведувачи, и тогаш човекот каде и да се сврти, нема да види ништо друго освен своите дела, ако се сврти десно или лево или назад, ќе го види само она што го направил. Кога ќе погледне пред себе ќе види оган! Затоа чувајте се од огнот, па макар со половина урма (т.е. поделете садака), а кој нема да го најде ниту тоа, тогаш со добри зборови“ (Бухари и Муслим)

„Никој нема да се помрдне од местото на пресметката, додека Аллах не го праша за: животот во што го поминал, за знаењето, дали работел по него, за имотот – од каде го стекнал и во што го потрошил, и за телото – во што го користел.“ (Тирмизи, Несаи-сахих)

припрема 
www.tewhid.ucoz.org
facebook.com/Tewhid.mk